UVELE eNkantolo yeMantshi eSprings owesifazane obhekene necala lokuthengela umyeni wakhe oyiphoyisa likaMasipala waseKurhuleni, inkabi ngesonto eledlule.
USibongile Prudence Dlamini oneminyaka engu-43 ubudala uboshwe ngoLwesihlanu esemakhandleleni kusanda kufika isidumbu somyeni wakhe ngoLwesihlanu ntambama. Lona wesifazane udayiswe inkabi esezikhindini ikhomba yena njengomvusi wenyamazane.
Inkabi ogamalayo nguNhliziyozabantu Mangwenyana ,34, itshele amaphoyisa ukuthi yaqashwa uDhlamini ukuthi abulale umyeni wakhe, uBanele Sikhosana, odutshulwe wafa ngomhla ka7 kwephezulu ng7.30 ekuseni esesitolo sakhe elokishini laKwaTema, Ekurhuleni. UMangwenyana waboshwa ngomhla ka-10, kwalandela uDhlamini ngosuku lwezithandani.
Icala lakhe lihlehliselwe umhla ka-21 kwephezulu lapho okulindeleke ukuthi afake isicelo sebheyili.