ABANYE baphume enkundleni bethetha, benxapha, bechaya nezandla, kwathi abanye kwaqhilika izihlathi, uhleko lusho phezulu, njengoba bebebhiyoza. @OrlandoPirates @KaizerChiefs #Liwelaumfulaugcwele #Sowetoderby
Ishashalazi bekuyiFNB Stadium, eNasrec, eGoli. Njengazo zonke izimpi ezibhalwe emiqulwini yemilando yomhlaba, igama likaPatrick “Tito” Maswanganyi we-Orlando Pirates, lizoyithola indawo uma sekuchitheka u-inki emabhukwini akhuluma ngomdlalo wezinkunzi zaseSoweto.
Uyena ingwazi yeZimnyama ephisele iklwa ezinhliziyweni zabalandeli beKaizer Chiefs. Izinkumbi zabalandeli ebeziyigcwalise phama inkundla, zibheme zakholwa yizinga lebhola elidlalwe ngamaqembu womabili.
Izithombe: BACKPAGEPIX
U-PATRICK Maswanganyi we-Orlando Pirates ukhulule izinkulungwane zabalandeli baleli qembu eshaya phakathi enqobe ngalo kwiKaizer Chiefs eFNB Stadium, ngoMgqibelo 
UKUMOYIZELA okuhambisana nokuzigqaja kusazohlala isikhathi eside kubalandeli be-Orlando Pirates kulandela ukuwina kweqembu labo kwiKaizer Chiefs emdlalweni weBetway Premiership eFNB Stadium, ngoMgqibelo 
UBANI inkunzi KwaMashu? Umzuzu obufiswa ngabaningi wokuhlangana kwalaba badlali baseSinqawunqawini, uThabo Cele weKaizer Chiefs noThalente Mbatha we-Orlando Pirates, ugcine ufikile. UCele, ojoyine iChiefs ngesonto eledlule, ungene esiwombeni sesibili wathakaselwa ngabalandeli baMakhosi 
USALE edangele kanje unozinti weKaizer Chiefs, uBruce Bvuma, emuva kokuphela komdlalo wezakhe ne-Orlando Pirates eFNB Stadium, ngoMgqibelo 
KUDINGEKE ukuthi kungene ingalo yomthetho enkundleni kulandela intukuthelo ekhonjiswe ngabadlali beKaizer Chiefs abebethi abamudle bamufele unompempe uMasixole Mambiso onike i-Orlando Pirates iphenathi ngomzuzu wokugcina 
USIZI belubhalwe emehlweni kwabanye abalandeli beKaizer Chiefs emuva kokukhala kwempempe ebiqinisekisa ukuthi iqembu labo selikhale ngaphansi kwi-Orlando Pirates eFNB Stadium, ngoMgqibelo 
OWAYENGUMENGAMELI waseNingizimu Afrika, uThabo Mbeki, uhlonishwe ngeqhaza alibamba emkhankasweni wokubuyisela leli lizwe emiqhudelwaneni yezemidlalo yomhlaba likade lidingisiwe ngenxa yobandlululo 
USEPHENDUKE iqhawe labalandeli be-Orlando Pirates umqeqeshi uJose Riveiro osewine izindebe eziyisihlanu kumasizini amabili efikile kuleli qembu